Deputat qaz limitinin artırılmasına münasibət bildirdi: “Bu, vətəndaşlarımız üçün qaneedici deyil”

Azərbaycanda qazın güzəştli tariflərlə istehlak limiti artırılaraq illik istehlak həcmi 1700 kubmetrdən 2200 kubmetrə çatdırılıb. Tarif Şurasının iclasında qəbul edilən qərar bu gündən – 1 maydan qüvvəyə minir.
Reportyor.az  xəbər verir ki, bu barədə deputat Fazil Mustafa sosial şəbəkə hesabında yazaraq qaz limitinin artırılmasını həm təqdir, həm tənqid edib:
“Tarif Şurası istehlak olunan qaz üçün limiti 1700 kubmetrdən 2200 kubmetrə qaldırdı. Bu, hər bir halda irəliyə doğru bir addımdır, ancaq vətəndaşlarımız üçün qaneedici deyil.
Milli Məclisdə bizim təklifimiz limitin iki dəfə artırılması olmuşdu. Bu rəqəm 3000 kubmetri keçsəydi, demək olar ki, məsələ öz həllini tapardı.
Bununla belə, təkliflərimizin səsləndirilməsindən heç bir həftə keçməmiş hökumət tərəfindən eşidilməsi və qərara yenidən baxılması müsbət tendensiya sayılmalıdır”.

Shares
fullhd izle yerli film izle game of thrones 8.sezon izle