Dünya üzrə qızılca ilə ən yüksək xəstələnmə göstəriciləri Azərbaycan, Qırğızıstan və Yəməndə qeydə alınıb.
CNN xəbər verir ki, bu barədə Ümumdünya Səhiyyə Təşkilatının araşdırmasında qeyd edilib.
Araşdırmanın nəticələri şənbə günü Barselonada keçirilən ESCMID Qlobal Konqresində təqdim edilib.
Tədqiqatçıların fikrincə, dünya miqyasında qızılcaya yoluxma hallarının sayı 2022-ci ildən 2023-cü ilə qədər təxminən iki dəfə artıb.
Ümumdünya Səhiyyə Təşkilatının nümayəndəsi doktor Patrik Okonnorun açıqladığı məlumatlara görə, 2023-cü ildə 321,582, 2024-cü ildə isə 94,000-dən çox xəstəlik qeydə alınıb. Bu il üçün bu rəqəm daha yüksək olması ehtimal edilir.
Bu il xəstəliyin demək olar ki, yarısı ÜST-nin Avropa regionunda baş verib. Ən yüksək xəstələnmə göstəriciləri Azərbaycan, Qırğızıstan və Yəməndə qeydə alınıb.
ABŞ Xəstəliklərə Nəzarət və Qarşısının Alınması Mərkəzinin məlumatına görə, cümə gününə olan məlumata görə, bu il ABŞ-da 128 qızılca hadisəsi qeydə alınıb. Bu, 2019-cu ildən bəri ən yüksək göstəricidir.
Qızılca hava-damcı yoluxucu bir xəstəlikdir. Xüsusilə gənc və peyvənd olunmamış uşaqlarda ciddi sağlamlıq nəticələrinə və ya ölümə səbəb ola bilər.
Ümumi simptomlar hərarət, öskürək, burun axması, sulu gözlər və bədəndə qırmızı nöqtələr halında ola bilər.
Qızılcaya yoluxan hər 20 uşaqdan 1-də pnevmoniya, digərlərində isə beyində ensefalit adlanan təhlükəli şişlik inkişaf edə bilər. Qızılcaya yoluxan hər 1000 uşaqdan 3-ə qədəri tənəffüs və nevroloji ağırlaşmalardan ölə bilər.

SAĞLAMLIQ / KARUSEL