mobil versiya

Azərbaycanda vəzifəli şəxsin oğlu yol qəzası törətdi, ölən var






Xaçmazda avtomobil yolu keçmək istəyən piyadanı vuraraq öldürüb.

 


REPORTYOR.AZ Qaynarinfo-ya istinadla xəbər verir ki, hadisə Xaçmaz-Xudat yolunun rayonun Çinartala kəndindən keçən hissəsində qeydə alınıb.

 

Xaçmazın Palçıqoba kənd sakini, 1993-cü il təvvəllüdlü Səlim Natiq oğlu Alışov yolu keçmək istəyərkən onu "Mercedes" markalı avtomobil vurub.

 

S.Alışov Xaçmaz Mərkəzi Rayon Xəstəxanasına çatdırılıb və ona açıq kəllə-beyin travması, sağ baldır sümüyünün açıq yarası diaqnozları qoyulub. Yaralıya tibbi yardım göstərilsə də, onun həyatını xilas etmək mümkün olmayıb.

 

Şahidlərin sözlərinə görə, hadisəni törədən "Mercedes" markalı avtomobilin sürücüsü 3 saylı Ərazi Vergilər İdarəsinin rəis müavini Vüqar Məmmədovun oğlu Firuz Məmmədovdur.

 

Faktla bağlı araşdırma aparılır.


SON XƏBƏR / KARUSEL / HADİSƏ
Tarix: 6-09-2020, 12:59