Səudiyyə Ərəbistanının vəliəhd şahzadəsi Məhəmməd bin Salman çərşənbə günü Ər-Riyadda keçirilən KƏŞ-ABŞ sammitində çıxışı zamanı ABŞ prezidenti Donald Trampın Suriyaya qarşı sanksiyaları ləğv etmək qərarını alqışladığını bildirib.

Reportyor.az xatırladır ki, Tramp Səudiyyə Ərəbistanının vəliəhd şahzadəsi Məhəmməd bin Salmanın xahişi ilə Suriyaya qarşı bütün sanksiyaların ləğv edildiyini elan etdikdən bir gün sonra çərşənbə günü Ər-Riyadda Suriya prezidenti Əhməd əl-Şara ilə görüşüb.

Səudiyyə Ərəbistanının vəliəhd şahzadəsi bildirib ki, Körfəz Əməkdaşlıq Şurası ölkələri də ABŞ ilə tərəfdaşlıqlarını təsdiqləyir: "ABŞ ilə davam edən işi səbirsizliklə gözləyirik. Biz regionumuzun üzləşdiyi problemlərin miqyasının fərqindəyik və sizinlə və Körfəz Əməkdaşlıq Şurası qardaşlarımızla bölgədəki gərginliyi azaltmaq, Qəzzada müharibəni dayandırmaq və Fələstin böhranı üçün daimi və hərtərəfli həll yolu tapmaq üçün çalışırıq. Biz münaqişələrin sülh yolu ilə dayandırılmasına dəstəyimizi vurğulayırıq”.



KARUSEL / DÜNYA