“Azəristiliktəchizat” ASC bayram günlərində fəaliyyətini gücləndirilmiş iş rejimində davam etdirəcək.
“Azəristiliktəchizat”ın nümayəndəsi Rüxsarə Babayeva bildirib ki, Dünya Azərbaycanlıların Həmrəylik Günü və Yeni il bayramı günlərində abonentlərin dayanıqlı və keyfiyyətli istiliklə təchiz etmək məqsədilə qazanxanalarda və istilik məntəqələrində müvafiq tədbirlər həyata keçirilib. Bununla əlaqədar, istilik sistemləri istismar sahələrinin rəhbərlərinə, eləcə də sahə rəisləri və qazanxana əməliyyatçılarına təlimat göndərilib. Müvafiq struktur bölmələri xidmətlər üzrə baş verə biləcək problemlərin aradan qaldırılması üçün tam hazır vəziyyətə gətirilib. Vətəndaşlar yaranan problemlə bağlı “Azəristiliktəchizat”ın 956 Çağrı mərkəzinə və ya Cəmiyyətin rəsmi sosial şəbəkə hesablarına müraciət edə bilərlər.
“Məlum olduğu kimi, respublikanın rayonlarında və Bakı şəhərində payız-qış mövsümü cari ilin noyabrın ayının 15-də başlayıb və növbəti ilin aprel ayının 15-dək davam edəcək. Hazırki mövsümdə “Azəristiliktəchizat” ASC-nin Bakı və respublikanın regionlarında balansında olan 561 qazanxana və 88 istilik məntəqəsi fəaliyyət göstərir. 2023-2024-cü il payız-qış mövsümü ərzində 3 863 yaşayış binası, 184 minə yaxın mənzil, 285 orta məktəb, 158 uşaq bağçası, 150 səhiyyə müəssisəsi və 2500 yaxın sosial və təsərrüfat hesablı obyektlərin istiliklə təmin edilməsi davam etdirilir”, - deyə Rüxsarə Babayeva əlavə edib.(azərtac)


KARUSEL / CƏMİYYƏT