Türkiyənin xarici işlər naziri Hakan Fidan cümə günü bildirib ki, Qəzzada müharibəyə etiraz olaraq Türkiyə hava məkanını İsrail təyyarələri üçün bağlayıb.

"Biz İsraillə ticarətimizi tamamilə kəsdik. Türk gəmilərinin İsrail limanlarına getməsinə icazə vermirik. Onların təyyarələrinin bizim hava məkanımıza daxil olmasına icazə vermirik", - o, Ankarada Qəzza ilə bağlı parlamentin xüsusi müzakirəsində deyib.

Türkiyə keçən ilin mayında İsraillə birbaşa ticarət əlaqələrini kəsərək, daimi atəşkəs və Qəzzaya humanitar yardımın dərhal daxil olmasını tələb edib. 2023-cü ildə iki ölkə arasında ticarət dövriyyəsi 7 milyard dollar təşkil edib.

Ötən həftə Türkiyə mediası rəsmi açıqlama olmasa da, İsraillə əlaqəli dəniz nəqliyyatına qadağa qoyulduğunu bildirib. Məlumatlara görə, İsrail gəmilərinin Türkiyəyə yanaşması qadağan edilib və Türkiyə bayraqlı gəmilərin İsrail limanlarına daxil olmasına icazə verilməyib.

Reportyor.az 


KARUSEL / DÜNYA