Futbol üzrə Azərbaycan millisi DÇ-2026-nın seçmə mərhələsində sentyabrın 5-də Reykyavikdə İslandiya, sentyabrın 9-da isə Bakıda Ukrayna yığması ilə qarşılaşacaq.

Bu gün Azərbaycan millisinin baş məşqçisi Fernandu Santuşun mətbuat konfransı keçirilib.
Portuqaliyalı mütəxəssis qarşıdakı oyunlar haqda fikirlərini bölüşüb:
“İlk öncə “Qarabağ” təbrik etmək istəyirəm. UEFA Çempionlar liqasına vəsiqə qazandıqları üçün. Çünki bu vacib nəticədir. Başda Qurban Qurbanov olmaqla bütün “Qarabağ”ı təbrik etmək istəyirəm.
Legioner limitinin ləğv olunmasının mənimlə heç bir əlaqəsi yoxdur. Mən baş məşqçiyəm, qalan məsələlər məni maraqlandırmır.
Əlimizdə olan oyunçularla hazırlaşacağıq və çalışacağıq ki, yaxşı nəticələr qazanaq. Təhlillər edirik, oyunları izləyirik. Əlbəttə ki, biz də istəyirik ki, dəvət etdiyimiz bütün oyunçuların klublarında davamlı oyun təcrübəsi olsun. Amma hazırkı durumda əlimizdə olan “material”la çıxış edəcəyik.
Bədavi Hüseyinova gəlincə, onu çox istəyirəm. Bəli, oynamadığına görə bu toplanışa dəvət almayıb. Amma bu o demək deyil ki, onun üzərindən xətt çəkirik, növbəti toplanışlarda dəvət alacaq.
Futbolda hər bir nəticə ola bilər. Amma son yoldaşlıq oyunlarından sonra futbolçular çox istəklidirlər. O da mənə ümid verir ki, istədiyimiz nəticələri əldə edə bilərik. Yenə deyirəm, son toplanşlarda çox istəkli görünürlər. Bu da mənə ümid verir ki, qələbə qazana bilərik”. (Komanda.az)

KARUSEL / İDMAN