Mayın 4-də Yəmən husiləri tərəfindən İsrailə atılan raket ölkənin əsas beynəlxalq hava limanı yaxınlığında yerə düşdükdən və İsrail Qəzza zolağı boyunca zərbələr endirməyə davam etdikdən sonra qlobal hava yolları yenidən Tel-Əvivə və oradan uçuşları dayandırıb.

Reportyor.az xəbər verir ki, yanvar ayında Fələstinin HƏMAS silahlı qruplaşması ilə atəşkəs razılaşması əldə edildikdən sonra onlar uçuşları bərpa etməyə başlamışdılar. İsrail mart ayında anklavda hərbi əməliyyatları bərpa edib, mayda isə gücləndirib.

Mayın əvvəlindən uçuşları ləğv edən aviaşirkətlər aşağıdakılardır:

AirBaltic
Latviyanın “airBaltic” aviaşirkəti iyunun 6-dan etibarən Riqa və Təl-Əviv arasında müntəzəm uçuşları bərpa edəcəyini bildirib.

Air Canada
Kanada hava yolu şirkəti Kanada ilə İsrail arasında uçuşların bərpasını əvvəlcədən planlaşdırılan 8 iyun əvəzinə sentyabrın 8-nə qədər təxirə saldı.

Air France-KLM
Qrupun Hollandiya qolu KLM mayın 31-də Təl-Əvivə və oradan uçuşları bərpa etdi.

Air India
Hindistanın bayraq daşıyıcısı iyunun 19-dək Təl-Əvivə və oradan uçuşları dayandırıb.

IAG
IAG-a məxsus British Airways iyunun 14-dək Təl-Əvivə uçuşları dayandırıb.

IAG-ın aşağı büdcəli hava yolu şirkəti Iberia Express iyunun 30-dək Təl-Əvivə uçuşları ləğv edib.

İTA Airways
İtalyan aviaşirkəti iyunun 22-dək Təl-Əvivə və oradan uçuşları dayandırıb.

LOT
Polşa aviaşirkəti həmin gün axşam reysi istisna olmaqla, Tel-Əvivə uçuşları iyunun 8-dək dayandırıb.

Lufthansa qrupu
Alman aviaşirkəti iyunun 22-dək Təl-Əvivə və oradan uçuşları dayandırıb.

RyanAir
Avropanın ən böyük büdcəli aviaşirkəti iyulun 31-dək Təl-Əvivə və oradan uçuşları ləğv edib.

United Airlines
Çikaqoda yerləşən aviaşirkət, mayın 4-dən iyunun 6-dək Təl-Əvivə və oradan uçuşlarına təsir göstərə biləcəyini söyləyib.






KARUSEL / DÜNYA