BMT-nin insan haqları üzrə komissarı Volker Türk deyib ki, İsrail hökumətinin işğal altındakı Qəzza zolağının tam hərbi nəzarətə götürülməsi planı dərhal dayandırılmalıdır.

Baş nazir Binyamin Netanyahunun ofisi bildirib ki, Qəzza zolağında HƏMAS-ı məğlub etmək planına əsasən, İsrail ordusu döyüş zonalarından kənarda mülki əhaliyə humanitar yardım paylayarkən Qəzza şəhərini nəzarət altına almağa hazırlaşacaq.

Türk deyib ki, bu plan Beynəlxalq Ədalət Məhkəməsinin İsrailin işğala ən qısa zamanda son qoyması, razılaşdırılmış iki dövlətli həll variantının reallaşması və fələstinlilərin öz müqəddəratını təyin etmə hüququ ilə bağlı qərarına ziddir.

Onun sözlərinə görə, İsrail bunun əvəzində tam, maneəsiz humanitar yardım axınına icazə verməli və Fələstin silahlı qrupları girovları qeyd-şərtsiz azad etməlidir.

O əlavə edib ki, İsrail də özbaşına həbs edilmiş fələstinliləri azad etməlidir.


Reportyor.az






KARUSEL / DÜNYA