Daxili İşlər Nazirliyinin (DİN) Narkotiklərlə Mübarizə üzrə müavini Mövlavi Məhəmməd Qasim Xalid narkotiklərin təkcə Əfqanıstanın deyil, qlobal bir fenomen olduğunu bildirib.

Bu barədə yerli emdia məlumat verir.

DİN-in açıqlamasında deyilir ki, o, bu sözləri Kabildə Birləşmiş Millətlər Təşkilatının Əfqanıstandakı Yardım Missiyasının (UNAMA) Siyasi İşlər üzrə direktoru Skott Smit və onu müşayiət edən nümayəndə heyəti ilə görüşündə deyib.

Xalid Əfqanıstan İslam Əmirliyinin (ƏİƏ) narkotiklərə qarşı ciddi tədbirlər gördüyünü və heç kimin qanunsuz narkotikləri becərməsinə, daşımasına, almasına və ya satmasına icazə vermədiyini vurğulayıb.

O, narkotiklərlə mübarizənin - o cümlədən narkomanların müalicəsi, qarşısının alınması, peşə təhsili, fermerlər üçün alternativ dolanışıq vasitələrinin təmin edilməsi və onların aradan qaldırılmasının - beynəlxalq əməkdaşlıq tələb etdiyini vurğulayıb, çünki bu məsələ qlobal bir problemdir.

Skott Smit öz növbəsində ƏİƏ-nin Ali Liderinin narkotiklərin aradan qaldırılması ilə bağlı verdiyi fərmanı yüksək qiymətləndirib və hökumətin narkotiklərlə mübarizədəki səylərini tərifləyib.

Hər iki tərəf ikitərəfli əməkdaşlığın davam etdirilməsinin vacibliyini vurğulayıb.

Reportyor.az



KARUSEL / DÜNYA