Rusiya Federal Kosmik Agentliyinin (ROSCOSMOS) rəhbəri Dmitri Roqozin Türkiyə Prezidenti Rəcəb Tayyib Ərdoğana kosmosa türk kosmonavt göndərməyi təklif edib. APA-nın Anadolu agentliyinə istinadən verdiyi xəbərə görə, Dmitri Roqozin bu barədə Türkiyə Prezidenti R.T.Ərdoğanla MAKS-2019 Beynəlxlaq Aviasiya və Kosmos Sərgisində qısamüddətli görüşü zamanı deyib.
Görüş zamanı kosmosa türk kosmonavt göndərmək istədiklərini bildirən Roqozin “Sizə ortaq bir təklifimiz var: Cümhuriyyətinizin 100-cü ildönümünü orbitə türk kosmonavt göndərərək qeyd etmək. Kosmonavt Tədris Mərkəzi buna hazırdır”, - deyə söyləyib.
Türkiyə Prezidenti Ərdoğan təklifi məmnuniyyətlə qarşılayıb.

Zümrüd Paşkin  /APA/
 #kosmos #rusiya





SİYASƏT / DÜNYA