Bazar ertəsi Filippin və ABŞ raket təhdidlərindən müdafiə, dəniz hücumlarını dəf etmək və istismardan çıxarılan Filippin Hərbi Dəniz Qüvvələrinə məxsus gəminin batması ilə bağlı sınaq keçirmək məqsədi daşıyan illik birgə hərbi təlimlərinə bazar ertəsi başlayıb.

Reportyor.az xəbər verir ki, hər il keçirilən "Balikatan" (çiyin-çiyinə) təlimlərinə 14 mindən çox Filippin və Amerika hərbçisi cəlb olunub və mayın 9-dək davam edəcək.

Təlimlərdə ABŞ-ın müxtəlif silah sistemləri, o cümlədən gəmi əleyhinə raket sistemləri və reaktiv yaylım atəşi sistemləri nümayiş etdiriləcək. Filippin həmçinin canlı atəş təlimləri zamanı müasir raket sistemlərini sınaqdan keçirəcək.

Keçən il ABŞ və Filippin Cənubi Çin dənizində keçirilən və düşmənin saxta döyüş gəmisinə raket zərbələri endirməsi ilə bağlı indiyə qədər ən böyük birgə hərbi təlimlərindən birini başa vurdular.

ABŞ tərəfdən baş təlim direktoru, general-leytenant Ceyms Qlinn builki təlimləri hər iki qüvvənin imkanlarının müxtəlif ssenarilərdə ölçüləcəyi tam döyüş sınaqları kimi təsvir edib. O, bu hərtərəfli döyüş sınaqlarının iki xalqın üzləşdiyi bütün regional təhlükəsizlik çağırışlarını nəzərə almaq məqsədi daşıdığını vurğulayıb.
KARUSEL / DÜNYA