mobil versiya

Malayziya Çin gəmisini talançılıqda ittiham edərək saxlayıb



Malayziya sahil mühafizə xidməti İkinci Dünya müharibəsindən qalan gəminin qalıqlarını talan etməkdə şübhəli bilinən Çin quru yük gəmisini heyəti ilə birlikdə saxlayıb.
Yerli media xəbər verir ki, yerli balıqçı bir müddət əvvəl Cohor adasının sahil sularında, İkinci Dünya müharibəsi vaxtı Britaniya döyüş gəmisinin batdığı yerdə Çin gəmisinin lövbər saldığını müşahidə edib. Malayziyanın sahil mühafizə xidməti 32 nəfər heyəti olan Çin gəmisində Britaniya döyüş gəmisinə məxsus olduğu güman edilən topun mərmilərini, habelə gəminin metal hissələrini aşkarlayıb. Mərmilər mayın əvvəlində Cohor adasındakı metal tullantıları arasında tapılan mərmilərlə eynidir.
Xəbərlərə görə, Çin gəmisi Britaniya gəmisinə məxsus metal hissələri Cohorda özəl bir anbara toplayırmış.
1941-ci ildə Böyük Britaniya ordusuna məxsus döyüş gəmisinin yapon bombardmançı təyyarələri tərəfindən hücuma məruz qalması nəticəsində gəmi batıb, təxminən 840 dənizçi həlak olub. Bu, Britaniya hərbi dənizçilik tarixinin ən faciəli hadisələrindən biridir.
KARUSEL / DÜNYA
Tarix: 31-05-2023, 07:43