Avropa İttifaqı və beş Mərkəzi Asiya ölkəsinin liderləri ticarət və digər əlaqələrin inkişaf etdirilməsi yollarını müzakirə etmək üçün cümə günü ilk sammitini keçiriblər.

Reportyor.az xəbər verir ki, Özbəkistanın Səmərqənd şəhərində keçirilən sammitdə Avropa Şurasının sədri Antonio Kosta, Avropa Komissiyasının sədri Ursula fon der Leyen və Qazaxıstan, Qırğızıstan, Tacikistan, Türkmənistan və Özbəkistan liderləri iştirak edirlər.

Kosta bəyan edib ki, Avropa İttifaqı Mərkəzi Asiya ilə gözləntiləri üstələyən, qarşılıqlı faydalı tərəfdaşlıq qurmağa can atır.
Von der Leyen deyib ki, sammit ticarət əlaqələrini dərinləşdirmək və nəqliyyat, kritik xammal, rəqəmsal əlaqə, su və enerji sahələrində əməkdaşlığı genişləndirmək məqsədi daşıyır.
Aİ-nin Mərkəzi Asiya üzrə strategiyası Mərkəzi Asiyanın artan strateji əhəmiyyətini vurğulayır və region ölkələri ilə daha güclü tərəfdaşlığı inkişaf etdirməyi hədəfləyir.
Özbəkistan Prezidenti Şavkat Mirziyoyev son 7 ildə Mərkəzi Asiya və Aİ ölkələri arasında ticarət dövriyyəsinin 54 milyard avroya (60 milyard dollar) yüksəldiyini qeyd edərək, sammitin çoxşaxəli əlaqələrin inkişafında yeni mərhələnin başlanğıc nöqtəsi olmalıdır dedi.
KARUSEL / DÜNYA