Rusiya prezidenti Vladimir Putin Qətər əmiri Şeyx Təmim bin Həməd əl-Tani ilə Moskvada görüşərkən Ukrayna və Yaxın Şərqi müzakirə edəcək.

Reportyor.az xəbər verir ki, bunu Kremlin sözçüsü Dmitri Peskov jurnalistlərə deyib: “Putin və Qətər əmiri arasında Ukrayna məsələlərinə dair mütləq fikir mübadiləsi aparılacaq. Həmçinin regional məsələlərlə bağlı fikir mübadiləsi aparılacaq”.

"Region münaqişə potensialı ilə doludur. Qətər isə bir çox vəziyyətlərin həlli cəhdlərində çox böyük və mühüm rol oynayır", - Peskov bildirib.

Əmirin çərşənbə günü Moskvaya gələcəyi, cümə axşamı isə Putinlə görüşəcəyi gözlənilir.

Qətər Rusiya və Ukrayna arasında vasitəçilik etmək üçün bir sıra cəhdlər edib və hər iki ölkədən müharibə zamanı valideynlərindən ayrılmış uşaqların geri qaytarılmasına kömək edib.

Peskov deyib: “Biz Qətərlə ticarət-iqtisadi əməkdaşlığımızın potensialını və hazırkı səviyyəsini yüksək qiymətləndiririk. Və, əlbəttə ki, ən həssas mövzular da daxil olmaqla, bir çox mövzularda məxfi dialoqumuz."
KARUSEL / DÜNYA