Çin ordusu bazar günü Çinin Huangyan Dao ərazi sularına qeyri-qanuni müdaxilə edən Filippin dəniz qüvvələrinə məxsus gəmini ölkədən çıxarıb.

Reportyor.az xəbər verir ki, bu barədə mediaya Xalq Azadlıq Ordusunun (PLA) Cənub Teatr Komandanlığının donanmasının sözçüsü baş kapitan Zhao Zhivei deyib.

O, bildirib ki, Çin hökumətinin icazəsi olmadan Huangyan Daonun ərazi sularına daxil olan Filippin gəmisini qanuni izləmək, xəbərdarlıq etmək və çıxarmaq üçün teatr komandanlığının qüvvələr təşkil edilib.

Zhao deyib ki, Filippinin hərəkətləri Çinin suverenliyini ciddi şəkildə pozur və həm Çin qanunlarına, həm də beynəlxalq hüququn müvafiq müddəalarına ziddir.

"Biz Filippinə ciddi şəkildə xəbərdarlıq edirik ki, pozuntularını və təxribatlarını dərhal dayandırsın; əks halda bütün nəticələrə görə o, tam məsuliyyət daşıyacaq", - o əlavə edib.

Zhao, Cənub Teatr Komandanlığının qüvvələrinin milli suverenliyi və təhlükəsizliyi qətiyyətlə müdafiə etmək və Cənubi Çin dənizi bölgəsində sülh və sabitliyi möhkəm şəkildə qorumaq üçün hər zaman yüksək hazırlıq vəziyyətində olduğunu söyləyib.
KARUSEL / DÜNYA