"Efirdə demək istəmirəm, millət baxır" - 15 yaşlı Mehdixan bu hərəkətilə ağlar qoyub - VİDEO


Bakının Suraxanı rayonu, Hövsan qəsəbəsində yaşayan Məmmədov Mehdixan Elşən oğlu avqustun 11-dən itkin düşüb. 2004-cü il təvəllüdlü yaşadığı evdən səhər saatlarında çıxıb və bir daha geri qayıtmayıb. O gündən sonra bir çox tanışları onu şəhərin müxtəlif ərazilərində görüblər və evə qayıtmağa razı sala bilməyiblər.

Yeniyetmənin anası Aygün Qarayeva Xoşqədəm Hidayətqızının "Səni axtarıram" proqramına gələrək oğlunun tapılıb evə qaytarılması üçün bütün Azərbaycan xalqına yalvarıb: 

"Evdə heç bir söz-söhbət olmayıb, onu evdən qovmamışıq. O heç vaxt mənsiz qala bilməzdi. Hara getsəydi, evə qayıdardı. Bu ayın 11-də avtobusa minəndən sonra yoxa çıxıb. Başına nə gəlibsə, onda gəlib. Hara getsəydi, zəng vurub xəbər verərdi. Ayın 11-də onu avtobusa minəndə görüblər. Ondan sonra nə özü zəng etdi, nə də zənglərə cavab verdi. Bütün Azərbaycan xalqından xahiş edirəm, mənim balamı tapın. Oğlum, səni gözləyirəm. Qorxma, heç nə olmayacaq. Balam, kimdən qorxursansa, de".

Onun bu sözlərindən Mehdixanın itkin düşməsində gizli məqamların olduğu üzə çıxır. Aparıcı anaya belə sual verir:

"Kimdən qorxurdu? Bəlkə sizin demədiyiniz bir şeylər var? Siz bizə deyin ki, harada axtardığımızı bilək".
   
Ana belə cavab verir: "Efirdə demək istəmirəm, millət baxır, reklam arası deyəcəm".//BAKU.WS


MARAQLI / KARUSEL / HADİSƏ / ÖLKƏ
Baxılıb: 6 Tarix: 9-10-2019, 17:15
Şərh bildir
yenilə, əgər kod görünmürsə