Mali ordusunun rəhbərlik etdiyi hökumət iki generalı və bir Fransa vətəndaşını Qərbi Afrika ölkəsində sabitliyi pozmaq üçün nəzərdə tutulan planda iştirak etməkdə ittiham edərək həbs edib.

Bu barədə yerli media məluamt yayıb.

Mali, 2020 və 2021-ci illərdə hazırkı prezident General Assimi Goitanı hakimiyyətə gətirən bir sıra çevrilişlərlə nəticələnən siyasi qeyri-sabitliklə yanaşı, quraq şimalında islamçı üsyanlarla müşahidə olunan on ildən çox qarışıqlığa dözdü.

Mənbələr bu həftənin əvvəlində Reuters agentliyinə bildiriblər ki, 30-dan çox əsgər və hərbi məmur Qoita hökumətini sabitliyi pozmağa cəhddə şübhəli bilinərək nəzarətə götürülüb.

Malinin ərazi idarəsi nazirliyi cümə axşamı günü axşam yaydığı bəyanatda həbs edilənlər arasında Fransa vətəndaşı Yann Vezilierin də olduğunu bildirib.
Fransanın Qərbi Afrikanın Sahel bölgəsindəki keçmiş müstəmləkələri ilə bir vaxtlar yaxın münasibətləri son illərdə hərbi zabitlərin Mali, Burkina Faso və Nigerdə mülki hökumətləri devirməsi ilə pisləşib.
Paris ölkələrin yeni rəhbərliyinin təzyiqi ilə orada islamçı yaraqlılarla mübarizə əməliyyatında iştirak edən fransız qoşunlarını geri çəkib. Fransa ilə hərbi əlaqələrini kəsən Mali bu arada dəstək üçün Rusiyaya müraciət edib.

Nazirlik bəyanatında Vezilier siyasi və vətəndaş cəmiyyəti xadimlərini və hərbi zabitləri səfərbər etmək üçün Fransa kəşfiyyat xidmətləri adından hərəkət etməkdə ittiham olunur.
Fransa Xarici İşlər Nazirliyinin sözçüsü cümə günü bildirib ki, Vezilierin həbsi ilə bağlı heç bir rəsmi şərh yoxdur.
Mali dövlət mediası, mərkəzi Mopti bölgəsinin keçmiş qubernatoru general Abass Dembele və digər aparıcı hərbi xadim general Nema Saqaranın da olduğu iddia edilən sui-qəsddə iştirakına görə saxlanılan daha 10 nəfərin görüntülərini nümayiş etdirib.
Nazirlik ümumilikdə neçə nəfərin həbs edildiyini açıqlamayıb, lakin onları “marjinal elementlər qrupu” kimi xarakterizə edib və vəziyyətin nəzarət altında olduğunu bildirib.

Mali hərbi hakimiyyəti seçkilərin keçirilməsi ilə bağlı verdikləri vədi yerinə yetirə bilməyib. Bunun əvəzinə iyun ayında Qoitaya beş illik yenilənə bilən müddət verildi və ölkə daxilində siyasi fəaliyyətlər dayandırıldı.
Malinin hərbi xuntası hakimiyyəti ələ keçirmək üçün əsaslar arasında mülki hakimiyyətin şimaldakı islamçı üsyanları yatırmamasını göstərsə də, Qoita dövründə təhlükəsizlik problemləri davam edir.
Son bir neçə ayda Burkina Faso və Nigerdə də fəaliyyət göstərən Əl-Qaidə ilə əlaqəli Camaat Nusrat Al-Islam vəl-Muslimin qruplaşmasının ölümcül hücumları artıb.

Reportyor.az






KARUSEL / DÜNYA