Çin Pakistanla əməkdaşlığı gücləndirməyə və həmrəyliyi təşviq etməyə hazırdır, lakin  Çin təşkilatlarının və orada çalışan işçilərin təhlükəsizliyinə zəmanət verməyi istəyib.
Bu barədə Çinin xarici işlər nazirliyi prezident Si Cinpinə istinadən bildirib. 
Si Cinpin Çinin "Bir Kəmər və Yol Təşəbbüsü" (BRI) forumunda bu həftə Pekində olan Pakistanın müvəqqəti Baş nazir Ənvaarul Haq Kakar ilə görüşüb. Cinpin bildirib ki, hər iki ölkə Çin-Pakistan İqtisadi Dəhlizinin təkmilləşdirilmiş versiyasını həyata keçirməli, sənaye parkları, kənd təsərrüfatı və mədənçıxarma, yeni enerji sahələrində əməkdaşlığı genişləndirməli, eləcə də böyük əlaqə layihələrinin erkən həyata keçirilməsini təmin etməlidir. Eyni zamanda o, Çinin maraqlarının təhlükəsizliyini təmin etməyə çağırıb: "Ümid edirik ki, Pakistan tərəfi Pakistandakı Çin qurumlarının və işçilərinin təhlükəsizliyinə zəmanət verəcək".
Kakar bildirib ki, Pakistan CPEC çərçivəsində 25 milyard dollar dəyərində 50-dən çox layihəni tamamlayıb. Sinpin bildirib ki, Çin BMT və Şanxay Əməkdaşlıq Təşkilatı çərçivəsində əməkdaşlığı gücləndirməyə və inkişaf etməkdə olan ölkələrin maraqlarını qorumağa açıqdır.
Çin Pakistanın əsas müttəfiqi və sərmayədarıdır, lakin həm separatçı, həm də islamçı yaraqlılar son illər Çin layihələrinə hücum edərək çinli personalı qətlə yetirib.
KARUSEL / DÜNYA