Səudiyyə Ərəbistanı müsabiqə tarixində ilk dəfə “Kainat gözəli 2024” müsabiqəsində iştirak edəcək.

"The Independent" xəbər verir ki, Ər-Riyad əsilli model və məzmun yaradıcısı olan 27 yaşlı Rumy Alqahtani müsabiqədə Səudiyyə Ərəbistanını təmsil edəcək.

“Miss Universe 2024 müsabiqəsində iştirak etməkdən şərəf duyuram. Bu, Səudiyyə Ərəbistanı Krallığının “Kainat gözəli” müsabiqəsində ilk iştirakıdır”, – Alqahtani İnstaqram hesabında yazıb.
Alqahtani keçən il “Kainat gözəli” müsabiqəsində Bəhreyni təmsil edən və Körfəz bölgəsindən bunu edən ilk qadın olan Lujane Yacoub-u izləyir.
Bu il “Kainat gözəli” müsabiqəsi Meksikada keçiriləcək və İran da debüt edəcək.

"Miss Səudiyyə Ərəbistanı" tacı ilə yanaşı, Alqahtani həm də "Miss Middle East" (Səudiyyə Ərəbistanı), Miss Arabic World Peace 2021 və "Miss Woman" (Səudiyyə Ərəbistanı) titullarına malikdir. O, Səudiyyə Ərəbistanını əvvəllər Malayziyadakı “Miss Asia”, “Miss Arab Peace” və “Miss Europe” kimi beynəlxalq müsabiqələrdə təmsil edib.

Alqahtani stomatologiya üzrə bakalavr dərəcəsinə malikdir və ingilis, fransız və ərəb dillərini mükəmməl bilir.

Keçən il “Kainat gözəli” müsabiqəsində iki transgender qadın və Nepaldan olan böyük ölçülü model Ceyn Dipika iştirak edirdi və bu, ilk dəfə böyük ölçülü bir iştirakçının yarımfinala yüksəlməsi idi.

Şeynnis Palacios Nikaraquanın müsabiqədə ilk qalibiyyəti olan “Kainat gözəli 2023” tacını aldı.

KARUSEL / DÜNYA