2024-cü ilin aprelində Dominika və Liberiya, Mərakeşin xarici işlər naziri Nasser Bourita ilə danışıqlar zamanı Mərakeşin ərazi bütövlüyünə və Mərakeş Sahara üzərindəki suverenliyinə dəstəklərini bir daha bəyan edib.
Mərakeş mediasının yazdığına görə, onlar 2007-ci ildən etibarən Mərakeşin muxtariyyət təşəbbüsünü Saxaradakı süni mübahisənin ən səmərəli həlli kimi təsdiqləyərək, Birləşmiş Millətlər Təşkilatının qalıcı qətnamənin əldə edilməsində iştirakının vacibliyini vurğulayıb.

Şərqi Karib Dövlətləri Təşkilatının (OECS) üzvü kimi Dominika Birliyi Rabatda İƏT səfirliyinin (18 oktyabr 2018-ci il) və Dakhlada Baş Konsulluğunun (31 mart 2022-ci il) açılmasını yüksək qiymətləndirib.
Liberiya, dəstəyini bir daha təsdiqləməklə yanaşı, Mərakeşin Afrikanın inkişafındakı rolunu, xüsusən də onun cənub əyalətlərindəki rolunu yüksək qiymətləndirdi və öz təcrübələrini daha geniş Afrika inkişaf strategiyaları üçün bir model kimi təklif edib.

Sierra Leonenin xarici işlər və beynəlxalq əməkdaşlıq naziri Timoti Musa Kabba, 23 aprel 2024-cü ildə, ölkəsinin Mərakeşin ərazi bütövlüyünə və Mərakeş Muxtariyyəti Təşəbbüsünə yeganə etibarlı, ciddi və praqmatik həll kimi dəstək verdiyini bir daha təsdiqləyib. Paylaşılan bəyanatda o, Sierra Leonenin 2021-ci ilin avqustunda Daxlada Baş Konsulluğunun açılmasını və həm Krallığın, həm də Birləşmiş Ştatların dəvəti ilə 2021-ci ilin yanvarının 15-də Mərakeşin suverenliyi altında muxtariyyət təşəbbüsünü dəstəkləyən Nazirlər Konfransına iştirakını vurğulayıb. O, Mərakeşin Sahara məsələsinin praktik, əlverişli və davamlı həllinə nail olmaq məqsədi daşıyan Birləşmiş Millətlər Təşkilatının təşəbbüsünə sarsılmaz dəstəyini ifadə edib.
KARUSEL / DÜNYA