“Hindistanda kifayət qədər düyü, buğda ehtiyatı var , narahat olmağa heç bir əsas yoxdur və hökumət qiymətlərə nəzarət etmək üçün lazım gələrsə, açıq bazarda buğda satacaq”. 

“Reuters” xəbər verir ki, bunu İstehlak İşləri, Ərzaq və İctimai Bölüşdürmə Nazirliyinin rəsmisi Sudhanşu Pandey bildirib.  

Martın ortalarında temperaturun qəfil yüksəlməsi buğda məhsulunu qurutduğu üçün dünyanın ikinci ən böyük taxıl istehsalçısı olan Hindistan, 1,4 milyard əhalisinin tədarükünü təmin etmək üçün əsas məhsulun xaricə satışını qadağan edib. Rusiyanın Ukraynaya müdaxiləsindən sonra, eyni zamanda dünyanın ikinci ən böyük istehlakçısı olan Hindistandan buğda ixracı, Qara dəniz regionundan gələn tədarüklərə zərbə vurduqdan sonra bu, qlobal qiymətlərin sürətlə artmasına səbəb olub. 

Buğdanın xaricə satışına qoyulan qadağadan sonra Hindistan düyü ixracını məhdudlaşdırıb, çünki ölkənin şərqində yağan az yağışlar ən çox suya susayan məhsulun əkilməsinə təsir edib.

S. Pandey bildirib ki, aprelin 1-də növbəti maliyyə ilinin əvvəlində Hindistanın dövlət anbarlarında buğda ehtiyatları 11,3 milyon ton, düyü ehtiyatları isə 23,7 milyon ton səviyyəsində gözlənilir.

Aprelin 1-də hökumət dünyanın ən böyük ərzaq rifahı proqramını həyata keçirmək və istənilən fövqəladə vəziyyət tələblərinə cavab vermək üçün ən azı 4,5 milyon ton buğda və 11,5 milyon ton düyü saxlamağı hədəfləyir.