Rusiya hakimiyyəti paytaxt Moskvanı hədəf alan Ukrayna pilotsuz təyyarələrinin vurulduğunu açıqlayıb.

Moskva meri Sergey Sobyanin bildirib ki, Rusiya hava hücumundan müdafiə qüvvələri Ukraynanın hücumunu dəf edib və paytaxta doğru uçan bir neçə pilotsuz uçan aparatı vurub.
Sobyanin Telegram-da Rusiya Müdafiə Nazirliyinin Lyubertsı şəhər rayonundakı hava hücumundan müdafiə qüvvələrinin Moskvaya uçan pilotsuz təyyarənin hücumunu dəf etdiyini, daha sonra Ramenski rayonunda daha iki, daha dörd pilotsuz təyyarənin isə yaxınlaşarkən məhv edildiyini elan etdiyini bildirib.
Pilotsuz uçan aparatların dağıntılarının düşdüyü yerdə dağıntı və ya xəsarət alanlar barədə məlumat verilməyib.
Bazar ertəsi Bryansk vilayətinin qubernatoru Aleksandr Boqomaz bölgə üzərində üç Ukrayna pilotsuz təyyarəsinin məhv edildiyini açıqlayıb.
Sentyabrın 1-də Ukrayna Rusiyanın paytaxtı Moskvaya irimiqyaslı dron hücumu həyata keçirib, vurulan pilotsuz təyyarələrdən birinin dağıntıları Moskva neft emalı zavodunda ayrıca texniki otağı dağıdıb.
Ukrayna qüvvələri vaxtaşırı iki ölkə sərhədinə yaxın Rusiya ərazilərini hədəfə alır.

Reportyor.az
KARUSEL / DÜNYA