Pakistanın Xeyber-Paxtunxva əyalətinin Tank rayonunda yerli polis qərargahına hücum nəticəsində 3 polis şəhid olub, daha ikisi yaralanıb.
Tank rayon polis məmuru İftixar Əli Şah, Dawn.com-a bildirib ki, həlak olanlar arasında bir müfəttiş də var. Əlavə edib ki, bir neçə yaraqlıdan biri əvvəlcə polis idarəsinin və yaşayış binasının əsas girişində özünü partladıb, digərləri isə içəri daxil olub. Hazırda hadisə yerində daha çox yaraqlının tapılması üçün axtarış əməliyyatının aparılır. Polis məmuru deyib ki, terrorçular atəş açıb və əl qumbaralarından istifadə edib.
Reuters müxbirinə göndərilən açıqlamaya görə, özünü Ənsarul İslam kimi tanıdan az tanınan silahlı qruplaşma məsuliyyəti öz üzərinə götürərək, bunun onların ilk hücumu olduğunu bildirib. 
KARUSEL / DÜNYA