Bu gün Xalq artisti Kamal Xudaverdiyevin anadan olmasının 86 ili tamam olur.

Kamal Xudaverdiyev 1938-ci il mayın 3-də anadan olub. O, Teatr İnstitutunun aktyorluq fakültəsində təhsil alıb. Milli Dram Teatrının truppasında çalışıb. “Kəndçi qızı” tamaşasında Aslan, “Almaz”da İbad, “Yollara iz düşür”də Loğman, “Söz yarası”nda Lətif, “Şah Edip”də Şah Edip, “Sokratı anma gecəsi”ndə Çingiz xan, “Kral Lir”də Kral Lir, “Mesenat”da Murtuza Muxtarov və başqa personajları, kinoda ilk dəfə “İstintaq davam edir” macəra filmində  polkovnik Çingizov rolunu oynayıb. Aktyor 10-dan artıq televiziya tamaşasında, 16 filmdə irili-xırdalı rol yaradıb, 10 filmi səsləndirib, 1 “Mozalan” satirik kinojurnalında çəkilib. O, “Nəsimi”, “Dağlarda döyüş”, “Dədə Qorqud”, “Ən vacib müsahibə”, “Otel otağı”, “Vulkana doğru” filmlərində müxtəlif obrazlar yaradıb.

Kamal Xudaverdiyev 2008-ci ildə vəfat edib.

Tarix: 3-05-2024, 15:09