Diriyah Biennale Fondu tərəfindən "Və Arada olan hər şey" mövzusu altında keçirilən builki İslam İncəsənət Biennalesi Ciddə Kral Əbdüləziz Beynəlxalq Hava Limanının Qərbi Həcc Terminalında mayın 25-dək davam edir. Bu görkəmli mədəniyyət hadisəsi İslam sənətinin unikal bir təzahürü təqdim edərək, dünya miqyasında İslam sənəti həvəskarlarını özünə cəlb edir.

Reportyor.az bu barədə yerli mediaya istinadla xəbər verir ki, Biennalenin diqqət çəkən məqamı Mədinənin mədəni və mənəvi irsinin valehedici nümayişi olan “Əl-Münəvvərə” bölməsidir.

Bu bölmə Peyğəmbər Məscidindən ilhamlanan memarlıq dizaynı ilə sakit mənəvi mühiti birləşdirir. Qeyd edək ki, burada qızılı sapların məscidin əzəmətini və ehtiramını əks etdirən, İslam incəsənətinin davamlı yaradıcılığını nümayiş etdirən mürəkkəb qızılı rəngdə olan yaşıl toxuculuqlar var.


1200 ildən artıqdır istifadə edilən bu tekstil məmulatları Peyğəmbər məscidinə olan minnətdarlığı və ehtiramı simvolizə edir və təkcə qoruyucu örtük kimi deyil, həm də tarix boyu liderlərin və alimlərin ehtiram ifadəsi kimi xidmət edir.

Əl-Münəvvərə bölməsi unikal təcrübə təqdim edir, qədim irsi müasir incəsənətlə birləşdirərək, ziyarətçiləri bu zərli toxuculuqların əzəmətini düşünməyə və onların tarixi əhəmiyyətini üzə çıxarmağa dəvət edir, keçmişlə indini dərin mənəviyyatla birləşdirən mədəni və bədii səyahət yaradır.


KARUSEL / MƏDƏNİYYƏT