Siyahıyaalma və Statistika Departamenti tərəfindən açıqlanan 2024-cü il siyahıyaalmasının ilkin nəticələrinə görə, Şri-Lankanın ümumi əhalisi 21,78 milyon nəfər təşkil edib ki, bu da 2012-ci ildəki əvvəlki milli siyahıyaalmadan bəri cüzi artım deməkdir.

Əhalinin 51,7 faizini qadınlar, 48,3 faizini isə kişilər təşkil edir. Milli cins nisbəti 93,3 olaraq qeydə alınıb, yəni hər 100 qadına 93 kişi düşür.

Hesabatda Şri-Lankanın sürətlə yaşlanan demoqrafik strukturu vurğulanıb. 65 və daha yuxarı yaşda olan əhalinin payı 2012-ci ildəki 7,9 faizdən 2024-cü ildə kəskin şəkildə 12,6 faizə yüksəlib. Bunun əksinə olaraq, 15 yaşınadək uşaq əhalisi eyni dövrdə 25,2 faizdən 20,7 faizə düşüb.

İşlək yaş qrupunun (15-64 yaş) payı ümumi əhalinin 66,7 faizini təşkil edir ki, bu da 12 il əvvəlki 66,9 faizdən bir qədər azdır.

Reportyor.az
KARUSEL / DÜNYA