Fələstin Dövləti Fələstin Qadınlarının Milli Günü münasibətilə onların öz torpaqlarında göstərdikləri əzmkarlığı, böyük fədakarlıqları, azadlıq və müstəqillik əldə etmək uğrunda səylərini yüksək qiymətləndirir. 

Bu günlə bağlı Fələstin Dövlətinin ölkəmizdəki səfirliyi bəyanat yayıb.

Bildirilri ki, Fələstin Dövləti hər bir Fələstin qadınına, onlardan tutmuş dünyanın bütün qadınlarına ən yüksək minnətdarlığını və qürurunu ifadə edir, Fələstin qadınının Fələstin problemi və qanunsuz İsrail müstəmləkəçı işğalına son qoymaq və İsrailin davam edən cinayətləri və irqçi siyasətini dayandırmaq vasitələri də daxil olmaqla, ədalətli həllin müdafiəsindəki rollarını yüksək qiymətləndirir.

"Fələstin Dövləti təxminən 33.000 qadın və qız uşağının şəhid olması, əksəriyyəti qadın və qız olan 1.93 milyondan çox xalqımızın məcburi köçkünlüyü ilə nəticələnən soyqırım müharibəsi zamanı Fələstin qadınlarının ödədiyi ağır bədəli vurğulayır. Habelə işğal onları aclığa və qorxuya məruz qoyub, su, elektrik enerjisi, yanacaq, tibbi müalicə və səhiyyə xidmətləri kəsilib, həmçinin xəstəxanalar, məktəblər, ibadət yerləri və köçkün düşərgələri dağıdılıb və Qəzza zolağını həyat üçün təhlükəsiz bir sığınacaqsız qoyub".

Fələstin Dövləti təsdiq edir ki, bu mərhələ heç də az təhlükəli deyil; əksinə, bütün çətinliklərlə mübarizə aparmaq üçün birgə səylər tələb edən hərtərəfli milli bir problemi təmsil edir və ən vacibləri bunlardır:

Birincisi, müstəmləkə işğalı nəticəsində dağıdılmış ərazilərin bərpası, yardımı və yenidən qurulması, o cümlədən davamlı blokada və tikinti materiallarının və yardımın daxil olmasının qarşısının alınması.
İkincisi, iki milyon insanımızın aclıq, su, dərman və səhiyyə çatışmazlığı, xəstəliklərin yayılması və əsas xidmətlərin olmaması şəraitində əziyyət çəkdiyi Qəzza zolağındakı fəlakətli humanitar vəziyyət.
Üçüncüsü, soyqırımın, xüsusən də qadınlara və uşaqlara psixoloji və sosial təsirlərinin, dul qadınların, yetimlərin və itkin düşmüş insanların sayının artmasının aradan qaldırılması.
Dördüncüsü, məhsuldar sektorların və həyati əhəmiyyətli infrastrukturun məhv edilməsi nəticəsində pisləşən iqtisadi vəziyyət, yoxsulluq və işsizlik səviyyəsinin artması və onların qadınlara və qızlara birbaşa təsirləri.

Bu baxımdan, Fələstin Dövləti Fələstin Dövlətinin tanınması və Nyu-York Bəyannaməsinin qəbul edilməsi ilə müşayiət olunan davamlı beynəlxalq impulsu təqdir edir, çünki bu, iki dövlətli həll yolunun həyata keçirilməsi yoludur və bunun əsasında Fələstin Dövlətinin müstəqilliyi və Fələstin xalqının legitim hüquqlarının həyata keçirilməsi dayanır. Həmçinin, müstəmləkəçı işğalın soyqırım cinayətləri, məcburi köçürülmə, müharibə cinayətləri, qadın və qızların hüquqlarının sistematik şəkildə pozulmasına görə məsuliyyətə cəlb etmək üçün beynəlxalq hüquqi səylərin gücləndirilməsinin vacib olduğunu bildirir. Beynəlxalq Ədalət Məhkəməsi tərəfindən verilən hüquqi məsləhət rəyinə və Fələstin ərazilərinin İsrailin müstəmləkəçı işğalına son qoymaq, Fələstin xalqını, kişiləri, qadınları və uşaqları qorumaq və Fələstin xalqının qeyd-şərtsiz qayıtma hüququ da daxil olmaqla öz müqəddəratını təyin etmək və müstəqillik hüquqlarını həyata keçirmək üçün beynəlxalq qətnamələrə riayət edilməsinin vacibliyini vurğulayır.

Reportyor.az





KARUSEL / DÜNYA