Təxminən 11 mərtəbəli bina hündürlüyündə olan bu nəhəng qadın skelet fiquru, 2023-cü ildə Puerto Vallartada qeydə alınan 28,15 metrlik əvvəlki rekordu geridə qoyur.

"Taller Xibalbá"dan təxminən 140 rəssam və texniki işçi tərəfindən hazırlanan fiqur, uzunluğu 27 metrdən çox olan bənövşəyi paltar geyinib. İşçilər kompozisiyaya son düzəlişləri edərkən, ziyarətçilər şəkil çəkdirmək üçün instalyasiyanın ətrafına toplaşıblar.

"Metropolitan" Katedralinə doğru yönəlmiş "Katrina", ölülərin xatirəsinə qurulan ənənəvi qurbangah – "ofrenda"nın mərkəzində yerləşir. O, Xoçimilkodan (Xochimilco) gətirilmiş təxminən 70 000 ədəd məxmər çiçəyindən (marigold) ibarət "xalça" ilə əhatə olunub. Bu instalyasiya meksikalı rəssam Xose Qvadalupe Posadaya (José Guadalupe Posada) həsr olunub; onun 1913-cü ildə çəkdiyi qadın skeleti təsviri, hazırda "Ölülər Günü"nün ən tanınmış simvollarından biri olan "La Katrina" obrazına ilham mənbəyi olmuşdur.


Bu möhtəşəm kompozisiyada həmçinin rəngli yonqar tozundan düzəldilmiş xalçalar, eləcə də aksolotllardan və Meksikanın fantastik xalq sənəti nümunələri olan "alebrihe"lərdən (alebrijes) ilhamlanaraq yaradılmış fiqurlar yer alır. 1 və 2 noyabr tarixlərində qeyd olunan "Ölülər Günü"ndə (Día de Muertos) ailələr bir araya gələrək; fotoşəkillər, yeməklər, çiçəklər və müxtəlif təqdimatlar vasitəsilə dünyasını dəyişmiş yaxınlarını yad edirlər. Yerli dildə "semposuçil" (cempasúchil) adlandırılan məxmər çiçəklərinin, öz rəngləri və ətirləri ilə ruhlara evlərinin yolunu göstərdiyinə inanılır. Rekord vuran "Katrina" (Catrina) və onun işıqlandırılmış qurbangahı 2 noyabr tarixinə qədər nümayiş olunacaq. 


Reportyor.az 






MARAQLI / KARUSEL