mobil versiya

Azərbaycan 1918-ci ildə itirilmiş bu torpaqları GERİ QAYTARIR - Əliyev bütün DÜNYAYA ELAN ETDİ




Azərbaycan və Ermənistan sərhədinin delimitasiyası üzrə birgə komissiyasının formalaşmasının gündəmdə olduğu vaxt Əliyev elan etdi ki, “biz bütün xəritələrdən istifadə edəcəyik – 1918-ci ildən və hətta ondan əvvəlki dövrün xəritələrindən başlayaraq Sovet İttifaqının dağıldığı dövrə qədərki xəritələrə qədər”. Və əlavə etdi ki, “əlbəttə, bu, bizim birgə işçi qruplarımızın danışıqlarının tərkib hissəsi olacaq”.


Sərhədin delimitasiyası Rusiyadakı xəritələr əsasında aparılacaq və bu xəritələr SSRİ-nin yaranmasından – 1922-ci ildən başlayır, lakin Əliyevin “1918-ci ildən, hətta ondan əvvəlki dövrün xəritələrini” əsas götürməsi iki məqamı önə çıxarır:

Birincisi, hədəf manevridir: Bakı danışıqlarda Zəngəzuru, İravanı da masaya gətirməklə hədəfi böyüdür və bu, istəyini almağa hesablanmış gediş ola bilər;

İkincisi və ən əsası 1929-cu ilə qədər verilən ərazilərin alınmasıdır: Prezidentin də dediyi kimi, Zəngəzur Ermənistana veriləndə hazırda mövcud olduğu 42 kilometrlik sahədən daha ensiz idi, sonradan ermənilər bu ərazini 42 kilometrə qədər genişləndirdilər;

SSRİ yarandıqdan sonra, xüsusilə 1926-29-cu illərdə Naxçıvanın 9 kəndinin və Kilit kəndinin torpaq sahələrinin bir hissəsi Ermənistana “pay” kimi verildi, o cümlədən, 1929-cu ilə qədər Zəngilan rayonunun tərkibində olan Nüvədi kəndi də bu ad altında ermənilərə hədiyyə olundu. Əliyev də bilir ki, masadakı xəritələr SSRİ-nin yaranmasından sonrakı dövrü əhatə edəcək, lakin məhz 1918-ci ilin xəritəsini gündəmə gətirməklə Zəngəzurun Ermənistana verildiyi və sonrakı dövrdə genişləndirilməsinin müqayisəsini önə sürməyi planlaşdırır.

Və bu, 1926-29-cu illərdə Ermənistana “pay” edilən ərazilərin – Naxçıvana daxil olan ərazilər, eləcə də Nüvədi – geri qaytarılmasına hesablanıb. Buna nail olasaq:

- Ermənistan sərhədlərində qalan Mehrinin dərinliklərinə qədər irəliləyə bilərik;
- Zəngəzur dəhlizinin keçəcəyi ərazinin bir hissəsini nəzarətə götürərik;
- İran-Ermənistan sərhədi hazırki vəziyyətlə müqayisədə yarıya qədər darala bilər (Tehranı narahat edən əsas məqamlardan biri də budur);

Prezidentin açıqlaması Bakının masaya məhz bu paketlə əyləşəcəyini deməyə əsas verir.
(Publika.az)




MANŞET / KARUSEL / SİYASƏT
Baxılıb: 116 Tarix: 1-05-2022, 00:35



Şərh bildir
yenilə, əgər kod görünmürsə