Mərakeşin Xarici İşlər, Afrika Əməkdaşlıq və Mərakeş Mühacirləri Naziri Nasser Bourita Rabatda Kolumbiya Konqresinin və Senatının sədri Efrain Xose Cepeda Sarabia ilə görüşüb.

Reportyor.az xəbər verir ki, görüşdən sonra mətbuata verdiyi açıqlamada Cepeda Sarabia Kolumbiya Parlamentinin ölkəsinin hökumətinin kukla qurumun tanınması ilə bağlı utanc verici mövqeyini rədd etdiyini deyib.

O, həmçinin sonuncunun beynəlxalq terrorizmlə sübut olunmuş əlaqələrini, xüsusən də “polisario” separatçı hərəkat ilə Hizbullah arasında sövdələşməni pisləyib.

Cepeda Sarabia Mərakeş ilə əməkdaşlığın vacibliyini vurğulayaraq, Kolumbiya Senatının Krallıqla tarixi əlaqələrin möhkəmləndirilməsinə və Boqota hökuməti tərəfindən qondarma "SADR"in tanınmasını geri götürməsinə yönəlmiş iki təklifi qəbul etdiyini xatırladıb.

Bununla əlaqədar, o, Kolumbiya Parlamentinin Kolumbiya və Mərakeş arasındakı dostluq əlaqələrini dəstəkləməyə davam etmək öhdəliyini təkrarlayıb.
KARUSEL / DÜNYA