Hindistanın müdafiə naziri Rajnath Singh bu həftə regional həmkarları ilə danışıqlar aparmaq üçün Çinə gedəcək.

Reportyor.az xəbər verir ki, bu barədə Nyu Dehli bildirib.

Dünyanın ən sıx məskunlaşdığı iki ölkə arasındakı əlaqələr, Himalay sərhədində qoşunları arasında ölümcül toqquşma nəticəsində 2020-ci ildə ən aşağı səviyyəyə çatdıqdan sonra son aylarda yaxşılaşıb.

Singh çərşənbə günündən etibarən Şanxay Əməkdaşlıq Təşkilatının (ŞƏT) sammitində şərqdəki Qingdao şəhərində müdafiə nazirləri ilə birlikdə iştirak edəcək.

O, "Hindistanın daha böyük beynəlxalq sülh və təhlükəsizliyə nail olmaq üzrə baxışını açıqlayacaq, regionda terrorizm və ekstremizmin aradan qaldırılması üçün birgə və ardıcıl səylərə çağıracaq", - Müdafiə Nazirliyinin bəyanatında deyilir.

Sinq Pakistan, İran, Qazaxıstan, Qırğızıstan, Tacikistan, Özbəkistan və Belarusla yanaşı alyansa üzv olan Çin və Rusiyadan olan həmkarları ilə də ikitərəfli görüşlər keçirəcək.

ŞƏT-in iki günlük iclasından əvvəl Hindistanın milli təhlükəsizlik müşaviri Ajit Doval Pekində Çinin xarici işlər naziri Vanq Yi ilə danışıqlar aparıb.

Doval, Hindistan-Çin ikitərəfli münasibətlərinin ümumi inkişafına kömək etməyin zəruriliyini vurğulayıb.

Çin Xarici İşlər Nazirliyi bildirib ki, Vanq, iki ölkə liderlərinin keçən il görüşündən sonra münasibətlərin bəzi müsbət irəliləyişlər gördüyünü söyləyib.

Pekin, 2020-ci ildə baş verən ölümcül toqquşmadan sonra ilk dəfə olaraq, hindular və buddistlər üçün müqəddəs olan Tibetdəki Kailaş dağına səyahət etmək istəyən hindli zəvvarlara icazə verib.

Rəqib ölkələr həmçinin birbaşa uçuşların bərpasını sürətləndirmək barədə razılığa gəliblər.




KARUSEL / DÜNYA