May ayından etibarən Bakıdan Antalya, Trabzon, Astana, Milan və Kişineu istiqamətlərində reyslərin tezliyi artırılacaq.

Antalya istiqamətində 1 maydan etibarən gündəlik uçuşlar yerinə yetiriləcək. Trabzon istiqamətində isə 12 maydan uçuşların sayı həftədə 5-ə çatdırılacaq. Bakı–Astana marşrutu üzrə də 12 maydan etibarən həftədə 4 reys həyata keçiriləcək.

Avropa istiqamətində də tezlik artırılır – Bakı–Milan reysləri 1 aprel tarixindən həftədə 6 dəfə həyata keçirilir, 13 maydan etibarən gündəlik uçuşlar yerinə yetiriləcək. 

Artan tələbatı nəzərə alaraq 2025-ci ilin aprel ayından Bakı–Kişineu–Bakı marşrutu üzrə reyslərin sayı həftədə 5 dəfəyə çatdırılıb. Mayın əvvəlindən bu istiqamətdə uçuşlar həftədə 6 dəfə, 12 may tarixindən isə gündəlik həyata keçiriləcək.

Aviabiletləri rəsmi www.azal.az saytından, aviaşirkətin mobil tətbiqindən, həmçinin AZAL-ın kassalarından və akkreditə olunmuş agentliklərdən əldə edə bilərsiniz.

Tarix: 17-04-2025, 11:12