Qəzza Səhiyyə Nazirliyi bildirib ki, İsrailin Qəzza zolağında soyqırım müharibəsi başlayandan bəri 360 tibb işçisi, o cümlədən təcrübəli həkimlər və mütəxəssislər yoxluğu xəstələri və yaralıları həyati əhəmiyyətli tibbi yardımdan məhrum edib.

Reportyor.az xəbər verir ki, nazirlik bu gün yaydığı bəyanatda təsdiq edib ki, İsrail işğalı ümumilikdə məhbuslar və xüsusilə də İsrail həbsxanalarında ağır və faciəvi şəraitdə saxlanılan tibb işçiləri üçün ciddi məhdudiyyətlər tətbiq edir.

Nazirlik əlavə edib ki, məhbus doktor Hüsam Əbu Səfiyənin vəkili son gəlişinə əsaslanaraq, onun dindirilmələr zamanı məruz qaldığı vəhşi rəftarı, o cümlədən davamlı döyülmələr, səhhətinin pisləşməsi və tibbi yardımdan imtina edilməsini izah edib.

Dekabrın 27-dən həbsdə olan doktor Əbu Səfiyənin 40 kiloqram arıqladığı, yüksək təzyiq və ürək əzələlərinin zəifliyindən əziyyət çəkdiyi bildirilir.

Nazirlik aidiyyəti beynəlxalq qurumları təcili müdaxilə etməyə, həbsdə olan tibb işçilərinə qarşı işğalın əməllərini cinayət hesab etməyə və onların dərhal azad edilməsi üçün təzyiq göstərməyə çağırıb.

Reportyor.az




KARUSEL / DÜNYA