İran bildirib ki, iyunun 13-də İsraillə münaqişə başlayandan bəri İslam Respublikasında ən azı 610 mülki şəxs həlak olub, 4700-dən çox insan yaralanıb.

Reportyor.az xəbər verir ki, bunu Səhiyyə Nazirliyinin sözçüsü Hossein Kermanpour sosial media platforması X-də yazıb.

"400-dən çox ölü və 3,056 yaralı var. Onların hamısı mülki şəxslərdir. Son 12 gün ərzində xəstəxanalar... son dərəcə acınacaqlı mənzərələrlə üzləşiblər". 

Nazirlik bildirib ki, İsrailin zərbələri nəticəsində ölənlər arasında ən kiçiyi iki aylıq olan 13 uşaq, həmçinin beş həkim və xilasedicilər var.

Nazirlik həmçinin İsrailin hücumları nəticəsində 7 xəstəxana və 9 təcili yardım maşınının zədələndiyini bildirib.



KARUSEL / DÜNYA