Orta Asiyanın qədim tacik xalqı müəyyən tarixi dövrlərdə öz mədəni nailiyyətləri ilə dünya sivilizasiyasının inkişafına töhfələr verib.

Reportyor.az "Ховар"a istinadla xəbər verir ki, bu barədə aprelin 30-da Tacikistan Dövlət Maliyyə-İqtisad Universitetində keçirilən “Milli identikliyin formalaşmasında tarixi abidələrin rolu” adlı beynəlxalq elmi-nəzəri konfransda bildirilib.

Konfrans iştirakçıları milli adət-ənənələrin dirçəldilməsi və qorunub saxlanılması məsələlərini müzakirə ediblər. Tarix və mədəniyyət abidələrinin təbliği həm də vətəndaşlarda, xüsusən də gənclər və yeniyetmələrdə vətənpərvərlik, özünüdərk və kimlik hisslərinin artırılmasında mühüm amil kimi qiymətləndirilir.

Tarixi-mədəni irsin qorunması və hörməti, gələcək nəsillərə çatdırılması hər bir sağlam düşüncəli insan üçün mühüm vəzifədir, çünki keçmişin ən minimal əsərləri belə yüksək elmi-tarixi dəyərə malik ola bilər.

Konfransda Nyu-York Universitetinin Qədim Dünyanın Tədqiqi İnstitutunun, Altay Dövlət Universitetinin və Mərkəzi Asiya Tədqiqat İnstitutunun magistrantları tacik xalqının tarixi abidələri, onların turizmin inkişafındakı rolu və onlayn müzakirə olunan mövzuların digər aspektlərini müzakirə ediblər.
KARUSEL / MƏDƏNİYYƏT