Birləşmiş Ştatlar, Birləşmiş Ərəb Əmirlikləri və digər əsas oyunçular mühasirədə olan əl-Fasherdə beş yardım işçisinin öldürülməsindən sonra Sudanın müharibə edən tərəflərini humanitar qanunlara hörmət etməyə çağırıb.

Reportyor.az xəbər verir ki, Birləşmiş Millətlər Təşkilatı, Misir, Səudiyyə Ərəbistanı, Afrika İttifaqı və İsveçrənin də daxil olduğu birgə bəyanatda deyilir ki, qrup təcili olaraq beynəlxalq humanitar hüquqa tam riayət edilməli olduğunu təkrarlayır.

ABŞ Dövlət Departamentinin yaydığı bəyanatda deyilir: “Mülki əhaliyə və mülki obyektlərə, o cümlədən humanitar personala və aktivlərə qarşı yönəlmiş hücumlar beynəlxalq humanitar hüququn ciddi şəkildə pozulmasıdır”.

BMT-nin baş katibi Antonio Quterreş çərşənbə axşamı günü Ümumdünya Ərzaq Proqramı və UNİCEF-in təşkil etdiyi konvoya hücumun araşdırılmasına çağırıb.

BMT agentlikləri 2023-cü ilin aprelindən nizami ordu ilə müharibədə olan paramilitar Çevik Dəstək Qüvvələrinin (RSF) nəzarətində olan ərazidə baş verən hücumun arxasında kimin dayandığını açıqlamayıb.

Dörd milyondan çox insan müharibədə həlak olub.


KARUSEL / DÜNYA