Pakistanın şərqindəki Pəncab əyalətində baş verən son daşqınlar nəticəsində azı 97 nəfər ölüb.

Əyalət Fəlakətlərin İdarə Olunması İdarəsi (PDMA) bildirib ki, təbii fəlakət 4,4 milyondan çox insana da ziyan vurub.

PDMA bildirib ki, əyalətdə 4500-dən çox kənd Ravi, Sutlej və Çenab çaylarında yüksək su səviyyəsinin səbəb olduğu daşqınlardan təsirlənib.

Əyalət səlahiyyətliləri, davam edən xilasetmə əməliyyatları çərçivəsində indiyədək təxminən 2,45 milyon insanın təhlükəsiz ərazilərə köçürüldüyünü bildirib.

PDMA-nın məlumatına görə, zərər çəkmiş ərazilərdə ümumilikdə 396 yardım düşərgəsi yaradılıb və təxminən 1,9 milyon mal-qara təxliyə edilib.

Rəsmi statistikaya əsasən, iyunun 26-dan bəri ölkə üzrə mövsümi yağışlar və daşqınlar nəticəsində azı 956 nəfər həlak olub, 1060-dan çox insan xəsarət alıb. Ölkə üzrə 8400-dən çox ev dağılıb və ya zədələnib, 6500-dən çox mal-qara tələf olub.

Reportyor.az


KARUSEL / DÜNYA