Türkmənistandakı Balkan sement zavodu bu ilin 8 ayında 595 min tona yaxın sement istehsal edib ki, bu da ötən ilin müvafiq dövrü ilə müqayisədə 112,42% çoxdur.

Yerli media xəbər verir ki, Böyük Balxanın ətəyində yerləşən zavod 2011-ci ilin oktyabr ayından fəaliyyət göstərir. Onun gücü ildə 1 milyon tona qədər sement istehsal edir. Zavod fəaliyyətə başladığı gündən ölkədə iri tikinti obyektlərini tikinti materialları ilə fasiləsiz təmin edir.

Son aylarda istehsalını davam etdirmək üçün zavod 28 yeni "SANY SYZ320 S-8Y" damperli yük maşınları alıb.

Müəssisənin daxili bölmələri, o cümlədən xammal, yandırma və üyütmə sexləri avtomatlaşdırılmış rejimdə fəaliyyət göstərir. İdarəetmə onlarla mütəxəssisin cəlb olunduğu müasir istehsal mərkəzi vasitəsilə həyata keçirilir.
Məhsulların keyfiyyətinə xüsusi diqqət yetirilir: zavodun laboratoriyası beynəlxalq standartlara cavab verən avadanlıqlarla təchiz olunub.

Sement istehsalı üçün xammal əsasən müstəqillik illərində açılan yerli karxanalarda hasil edilir. Müəssisənin işçiləri üçün yaşayış binaları tikilib, istehsalat kompleksi ayrıca sənaye şəhərciyini xatırladan 50 hektar ərazini tutur.
Bu gün zavod öz məhsullarını xaricə tədarük etməyə başlayıb ki, bu da Türkmənistanın tikinti sənayesinin ixrac potensialının gücləndirilməsi üçün yeni perspektivlər açır.

Reportyor.az


KARUSEL / İQTİSADİYYAT