Suriya Daxili İşlər Nazirliyi Dəməşq yaxınlığında fəaliyyət göstərən narkotik qaçaqmalçılığı şəbəkəsinə basqın zamanı təxminən 12 milyon kaptaqon stimullaşdırıcı həb ələ keçirdiyini bildirib.

Müsadirə, keçid hakimiyyətinin 2024-cü ilin sonlarında hakimiyyəti ələ almasından bəri ən böyük narkotik əməliyyatlarından biridir.

Narkotiklərlə Mübarizə Departamentinin direktoru briqada generalı Xalid Eid nazirliyin verdiyi açıqlamada deyib ki, külli miqdarda narkotiki xaricə daşımağa cəhd edən qaçaqmalçılıq şəbəkəsinin dəqiq monitorinqi və izlənilməsindən" sonra təhlükəsizlik qüvvələri Əl-Dumayr bölgəsində təxminən 12 milyon kaptaqon həb ələ keçirib.

Şəbəkənin lideri əməliyyat zamanı həbs edilib.

Müsadirə edilən narkotiklər məhv ediləcək.

Əməliyyat departamentin qaçaqmalçılıqla mübarizəyə, onun mənbələrinin kəsilməsinə və narkotik vasitələrin qanunsuz dövriyyəsi ilə məşğul olanların mühakimə olunmasına qətiyyətli yanaşmasını əks etdirir.

Amfetaminə bənzəyən Kaptaqon, 2011-ci ildə başlayan vətəndaş müharibəsi zamanı Suriyanın ən böyük ixracatına çevrildi və ticarəti devrilmiş prezident Bəşər Əsəd hökuməti üçün əsas maliyyə mənbəyi rolunu oynadı.

Əsədin devrilməsindən sonra yeni səlahiyyətlilər ölkə daxilində çoxsaylı böyük aqon tutmaları barədə məlumat verdilər. Bununla belə, qonşu ölkələr iri yüklərin ələ keçirildiyini bildirməkdə davam edir.

Reportyor.az




KARUSEL / DÜNYA