ABŞ-Səudiyyə İnvestisiya Forumu çərşənbə günü Vaşinqtonda başlayacaq və süni intellekt və texnologiya sahəsindəki irəliləyişlər mövzusunda müzakirədə iştirak edəcək Tesla şirkətinin baş direktoru Elon Musk və Nvidia şirkətinin baş direktoru Jensen Huang kimi böyük investorları və biznes xadimlərini bir araya gətirəcək.

Reuters-in məlumatına görə, görüş texnoloji tərəqqinin növbəti dalğasını formalaşdıran yeni qüvvələri araşdıracaq, daha ağıllı və bir-biri ilə əlaqəli gələcəyi gücləndirən memarlıqları, modelləri və investisiyaları vurğulayacaq".

Tədbir Səudiyyə Ərəbistanı vəliəhdi Məhəmməd bin Salmanın Ağ Evdə prezident Donald Trampla görüşündən sonrakı günə planlaşdırılır.

Müzakirəyə Səudiyyə Ərəbistanının rabitə və informasiya texnologiyaları naziri Abdullah Əl-Svaha moderatorluq edəcək.

Həm Mask, həm də Huang Trampın MBS üçün verdiyi şam yeməyində iştirak ediblər.

Gündəliyə görə, tədbirdə həmçinin Chevron, Palantir, Aramco, Qualcomm, Cisco, Adobe, General Dynamics və Pfizer şirkətlərinin baş direktorları da iştirak edirlər.

19 noyabrda Con Kennedi adına İfa Sənətləri Mərkəzində keçiriləcək tədbirdə Blackstone Group, Boeing, IBM, Alphabet’s Google, Salesforce, Supermicro, Lockheed Martin, Saudia Group, Andreessen Horowitz, Halliburton, State Street və Parsons Corp şirkətlərinin yüksək vəzifəli rəhbərlərinin də iştirakı gözlənilir.

Ağ Evdən verilən məlumata görə, Trampın da tədbirdə çıxışı gözlənilir.

Forumda süni intellekt, enerji, texnologiya, aerokosmik, səhiyyə və maliyyə mövzularında panellər olacaq.

May ayında ABŞ və Səudiyyə Ərəbistanı Trampın dörd günlük Yaxın Şərq səfəri zamanı hər iki ölkəyə milyardlarla dollarlıq investisiya qoyulduğunu elan etdilər.

Reportyor.az




KARUSEL / DÜNYA