Tramp administrasiyası gizli şəkildə Rusiya ilə məsləhətləşmələr apararaq Ukraynadakı müharibəyə son qoymaq üçün yeni bir plan hazırlayır.

Bu barədə Axios ABŞ və Rusiya rəsmilərinə istinadən xəbər verir. 

Xəbər agentliyinin məlumatına görə, bu, ABŞ prezidenti Donald Trampın Qəzza atəşkəsi planından ilhamlanan 28 maddəlik yol xəritəsidir. Axios mənbələrə istinadən xəbər verir ki, Qəzza planına bənzər şəkildə, təklif Ukraynada sülh, təhlükəsizlik zəmanətləri, Avropada təhlükəsizlik və ABŞ-ın Rusiya və Ukrayna ilə gələcək münasibətlərindən ibarət olacaq.

Axios ABŞ rəsmisinə istinadən xəbər verir ki, ABŞ-ın xüsusi elçisi Stiv Vitkoff planın formalaşmasına rəhbərlik edir və bunu Rusiya elçisi Kirill Dmitriyevlə ətraflı müzakirə edib.

Axios Ukrayna rəsmisinə istinadən bildirib ki, Vitkoff bu həftənin əvvəlində Mayamidə Ukrayna prezidenti Vladimir Zelenskinin təhlükəsizlik müşaviri Rüstəm Umerovla planı müzakirə edib.

ABŞ rəsmisi həmçinin Axios-a bildirib ki, Ağ Ev təklif barədə Avropa rəsmilərinə məlumat verməyə başlayıb.

Reportyor.az

KARUSEL / DÜNYA