Şagirdlərin elektron yerdəyişməsində valideynlər üçün “sy.edu.az” elektron sistemi vasitəsilə ümumi təhsil müəssisələrinə sorğu yerləşdirmə prosesi avqustun 30-u saat 18:00-da dayandırılacaq. Həmin müddətə qədər sorğu yerləşdirən valideynlər sentyabrın 5-dək (saat 15:00-a qədər) övladlarının sənədlərini yerdəyişmə etdikləri ümumi təhsil müəssisəsinə verməlidirlər.
Bu barədə Məktəbəqədər və Ümumi Təhsil üzrə Dövlət Agentliyindən məlumat verilib.
Xatırladaq ki, yerdəyişmə prosesinə II – IX və XI sinif şagirdləri üçün avqustun 8-dən, X siniflər üçün isə avqustun 15-dən başlanılıb. Yerdəyişmə prosesi yekunlaşdıqdan sonra tamamlanmayan sorğular və növbələr avtomatik olaraq sistem tərəfindən silinəcək.


KARUSEL / CƏMİYYƏT