Rəsmilərin bildirdiyinə görə, poliomielit peyvəndi qrupunu mühafizə edən iki Levies əməkdaşı çərşənbə günü Bəlucistanın Mastunq rayonunda naməlum hücumçular tərəfindən güllələnib.

Reportyor.az xəbər verir ki, bu barədə yerli administrator Manam Tareen AFP-yə bildirib.

O deyib ki, iki motosikletli silahlı şəxslər poliomielit peyvəndi aparanları qoruyan polislərə atəş açıblar... Polislərdən biri yerindəcə həlak olub, digəri isə aldığı xəsarətlərlə xəstəxanada keçinib. Əyalət sözçüsü Şahid Rind ölənlərin sayını təsdiqləyib.

Pakistan və Əfqanıstan poliomielitin endemik olduğu yeganə ölkələrdir və peyvənd qrupları tez-tez təhlükəsizlik qüvvələrinə qarşı kampaniya aparan yaraqlılar tərəfindən hədəfə alınır.

Pakistanın baş naziri Şehbaz Şərif poliomielit peyvəndi qrupuna edilən terror hücumunu pisləyib.

“Günahsız insanların həyatına və əmlakına zərər vuran terrorçular insanlıq düşmənidir və ədalət qarşısında cavab verəcəklər” deyib.

Baş nazir deyib ki, bu cür hadisələr hökumətin ölkədə poliomielit xəstəliyinin kökünü kəsmək öhdəliyinə mane ola bilməz. O bildirib ki, camaat ümidini itirməməli, peyvəndlə övladlarının gələcəyini qorumalıdır. O, poliomielit əleyhinə kampaniyanın qətiyyətlə davam edəcəyini təsdiqləyib.

Bu həftənin əvvəlində terrorçular Xayber-Paxtunxvanın Cənubi Vəziristanının Kaloşa bölgəsində poliomielitlə mübarizədə vəzifə yerinə yetirən stansiya zabitinə və polis qrupuna hücum ediblər.
KARUSEL / DÜNYA