Afrika Günü münasibətilə, hər il 25 may tarixində qeyd olunan bu əlamətdar günlə bağlı Mərakeş Krallığının Azərbaycandakı Səfirliyi, “Afrika Kinosu Günləri”nin ikinci buraxılışını təqdim edəcək.

Reportyor.az xəbər verir ki,  23–25 may tarixlərində, Bakıdakı Landmark III Kino Zalında keçiriləcək. Bu tədbir Mərakeşdəki Xuribqa Beynəlxalq Afrika Film Festivalı Fondunun dəstəyi və Landmark Kompleksi ilə tərəfdaşlıq çərçivəsində həyata keçirilir.

2023-cü ildə keçirilən birinci buraxılışın uğuruna əsaslanaraq, bu tədbir, Afrika mədəniyyətlərinin zənginliyini və müxtəlifliyini kino vasitəsilə nümayiş etdirməyə, eyni zamanda Afrika ilə Azərbaycan arasında mədəniyyətlərarası dialoqun inkişafına töhfə verməyə çalışır.

Bu ilki buraxılış zamanı, Azərbaycanda diplomatik nümayəndəliyi olmayan altı Afrika ölkəsinə – Kamerun, Mali, Mozambik, Tanzaniya, Zambiya və Zimbabve – diqqət yetiriləcək.

Üç gün ərzində, Azərbaycan tamaşaçıları, beynəlxalq festivallarda böyük təriflər almış və mükafatlara layiq görülmüş altı müasir Afrika filmini izləmək imkanı əldə edəcəklər. Nümayiş olunacaq filmlər aşağıdakılardır:



· Tanzaniyadan: ZAMORA (2013), rejissor: Şams Bhanji;

· Malidən: YEELEN (1987), rejissor: Süleymane Cissé;

· Mozambikdən: DUZ VƏ ŞƏKƏR QATARİ (2016), rejissor: Licinio Azevedo;

· Zambiyadan: MARIA KRISTU (2021), rejissor: Paul Wilo;

· Kamerundan: BURIED (2020), rejissor: Françoise Ellong;

· Zimbabvedən: TOZ VƏ TALELƏR (2013), rejissor: Justice Mokoena Chapwanya.



Xatıqladaq ki, hər il Mərakeş Krallığının Azərbaycandakı Səfirliyi Afrika Gününü müxtəlif mövzulu mədəni tədbirlərlə qeyd edir.

2021-ci ildə, Azərbaycan Peşəkar Futbol Liqasında çıxış edən Afrika futbolçularına ehtiram göstərilmişdi, bu tədbir Azərbaycan Futbol Federasiyası ilə əməkdaşlıq çərçivəsində həyata keçirilib.

2022-ci ildə, məşhur mərakeşli fotoqraf Mohammed Tazi tərəfindən Afrikaya həsr olunmuş fotoşəkillərdən ibarət sərgi təşkil olunub.

2023-cü ildə, “Afrika Kinosu Günləri”nin ilk buraxılışı çərçivəsində tamaşaçılara Mərakeş, Kamerun, Qana, Mali, Ruanda və Çaddan olan filmlər təqdim olunaraq Afrika kinosunun yeni istedadları ilə tanışlıq imkanı yaradılıb.

Afrikanın tanıdılması və onun geniş potensialının təşviqi ilə bağlı səfirliyin səyləri, Uca Allahın köməyi ilə Əlahəzrət Kral VI Məhəmmədin Cənub-Cənub əməkdaşlığı və Afrikanın dünya ilə açıq əlaqələrinin inkişafı istiqamətindəki aydın və uzaqgörən baxışına əsaslanır. Bu öhdəlik, Afrikanın siyasi, mədəni və idman səviyyəsində mövcudluğunun gücləndirilməsi məqsədilə Mərakeşin həyata keçirdiyi konkret tədbir və təşəbbüslərdə öz əksini tapır. Bu mənada, Mərakeş Krallığı tərəfindən irəli sürülmüş Atlantik Təşəbbüsü, Sahel bölgəsi ölkələri üçün Atlantik məkanına strateji çıxış təmin edən, onların inkişafı, regional inteqrasiyası və sabitliyini dəstəkləyən əsas nümunələrdən biridir.

Mərakeş Krallığının Azərbaycandakı Səfirliyi, 2025-ci il 23–25 may tarixlərində Bakı şəhərində yerləşən Landmark Kompleksində keçiriləcək “Afrika Kinosu Günləri”nin ikinci buraxılışında iştirak etməyə bütün kinosevərləri və geniş ictimaiyyəti səmimi şəkildə dəvət edir.

Giriş sərbəstdir.

KARUSEL / MƏDƏNİYYƏT