Səudiyyə Ərəbistanının Ticarət Nazirliyi müqəddəs yerlər və Məkkə bölgəsində Həcc mövsümü üçün əməliyyat planı çərçivəsində Zilhiccə 1-dən 8-dək 5298 yoxlama səfəri həyata keçirib. 

Reportyor.az yerli mediaya istinadla xəbər verir ki, yoxlamaların məqsədi zəvvarlar üçün ərzaq və istehlak mallarının yüksək səviyyədə olmasını təmin etmək, ticarət obyektlərində və bütün satış yerlərində istehlakçıların hüquqlarının müdafiəsi qaydalarına riayət olunmasını yoxlamaq olub. 

Ziyarətlər müqəddəs yerləri, Məscidül-həramın ətrafını, miqatları, bazarları, ticarət mərkəzlərini, qızıl və zərgərlik mağazalarını, xidmət mərkəzlərini, yanacaqdoldurma məntəqələrini, İki müqəddəs məscidə gedən yolları əhatə edib.
KARUSEL / İQTİSADİYYAT