Almaniyada Ryanair təyyarəsinin təcili enişi zamanı 9 nəfər xəsarət alıb

Milana uçan Ryanair reysi çərşənbə günü axşam saatlarında yağan tufan nəticəsində güclü turbulentlik səbəbindən Almaniyanın cənubunda məcburi eniş etmək məcburiyyətində qalıb, polis 9 sərnişinin yaralandığını bildirib.

Reportyor.az xəbər verir ki, Bavariya polisinin verdiyi məlumata görə, hava şəraiti pilotu Münhendən təxminən 70 mil (113 km) qərbdə yerləşən Memmingendə təcili eniş etməyə məcbur edib.

Polisin bildirdiyinə görə, təyyarə təhlükəsiz eniş edərkən, iki ilə 59 yaş arasında olan doqquz nəfər hava burulğanı nəticəsində yaralanıb.

Açıqlamada bildirilir ki, bir qadın kəllə-beyin travması alıb, onun iki yaşlı körpəsi əzilmiş xəsarətlər alıb, digər 59 yaşlı qadın isə bel ağrısından şikayətlənib, hər üçü xəstəxanada müalicə alır. Digər xəsarətlərə isə yerində tibbi yardım göstərilib.

Aviaşirkət Milana avtobus transferi təşkil edir, çünki yerli aviasiya səlahiyyətliləri Memmingendən sonrakı uçuşlara icazə verməyib.




KARUSEL / DÜNYA