İran Parlamentinin sədri Məhəmməd Baqir Qalibaf çərşənbə axşamı dövlət televiziyasına verdiyi açıqlamada regional təhlükəsizliyin regional ölkələr tərəfindən yaradılmalı olduğuna işarə edərək deyib ki, ABŞ Yaxın Şərqdəki hərbi mövcudluğu təhlükəsizlik gətirmir.

"Yaxın Şərqin siması və nizamı dəyişəcək, lakin ABŞ planlarına uyğun deyil. Biz, regionun İslam ölkələri olaraq, iqtisadi və təhlükəsizlik ölçülərində regional nizam və təhlükəsizlik yaradacağıq", - deyə Qalibaf bildirib və ABŞ qüvvələrinin regionu tərk etməli olduğunu əlavə edib.

İran İslam İnqilabı Keşikçiləri Korpusu (İİKK) bazar ertəsi günü bölgədəki ABŞ şirkətlərini hədəf alacağı ilə hədələyib və işçiləri əraziləri tərk etməyə çağırıb.

"Amerika şirkətlərinin işçilərindən... bu əraziləri dərhal tərk etmələri xahiş olunur. Bu ərazilər tezliklə İslam İnqilabı Keşikçiləri Korpusu tərəfindən hədəfə alınacaq", - İİKK rəsmi Sepah News saytında bildirib.


Reportyor.az 


KARUSEL / DÜNYA