Livanın mərkəzi bankı lisenziyalı maliyyə qurumlarına Hizbullahın Əl-Qard Əl-Həssan maliyyə institutu ilə birbaşa və ya dolayı əlaqəni qadağan edib.

Reportyor.az xəbər verir ki, bu barədə Reuters tərəfindən görülən sirkulyarda deyilir.


ABŞ Maliyyə Nazirliyi 2007-ci ildə Əl-Qard Al-Hassana qarşı sanksiyalar tətbiq edərək, İranın dəstəklədiyi silahlı qrup Hizbullahın bu qurumdan maliyyə fəaliyyətlərini idarə etmək və beynəlxalq maliyyə sisteminə çıxış əldə etmək üçün pərdə kimi istifadə etdiyini bildirib.

1983-cü ildə əsası qoyulan Əl-Qard Əl-Həssan özünü faizləri qadağan edən İslam prinsipləri əsasında insanlara kredit verən xeyriyyə təşkilatı kimi təsvir edir.

İsrail keçən il qruplaşma ilə apardığı müharibə zamanı qurumun filiallarına zərbələr endirib.

Livan hökumətinin verdiyi lisenziya əsasında fəaliyyət göstərən təşkilatın əsasən Beyrutun, Livanın cənubunda və Bekaa vadisinin əsasən şiə müsəlmanların yaşadığı ərazilərdə 30-dan çox şöbəsi var.

Reportyor.az



KARUSEL / DÜNYA