BMT Baş Assambleyasının 80-ci sessiyasının müzakirələri zamanı Tacikistan Prezidenti Emoməli Rəhmon deyib ki, mövcud vəziyyət vaxtında reaksiya verilməsini, əlavə vəsaitlərin ayrılmasını və beynəlxalq maliyyə sisteminə yanaşmaların nəzərdən keçirilməsini tələb edir.

Dövlət başçısının sözlərinə görə, Tacikistan beynəlxalq maliyyə mexanizmlərinin səmərəli və ədalətli islahatlarını dəstəkləyir.

"Bu mərhələdə biz ölkələr arasında iqtisadi inkişafın qeyri-bərabər səviyyəsinin şahidi oluruq və inkişaf etmiş ölkələr və beynəlxalq maliyyə institutları bu vəziyyətin düzəldilməsində təsirli rol oynaya bilərlər. Bir çox inkişaf etməkdə olan və ən az inkişaf etmiş həssas ölkələr iqtisadi və maliyyə böhranları, yoxsulluq, yoluxucu xəstəliklər, o cümlədən COVID-19, təbii fəlakətlər və ərzaq təhlükəsizliyinin nəticələrindən əziyyət çəkməkdə davam edir. Bu gün onlar bizim effektiv maliyyə dəstəyimizi tələb edir. Bu mühüm məsələ üzərində düşünməyin vaxtıdır”.

Reportyor.az

KARUSEL / DÜNYA